ايه الخيبه القوية دى لعسكر الداخلية .... ربنا يزيد من هبلكم و خبيتكم

اتصل بى الزملاء بشركة مطاحن جنوب القاهرة و الجيزة و قد ابلغونى بوجود قوات امن حول المقر الرئيسى للشركة بفيصل ، الناس دى فاكرة ان وجودهم هيمنع اعتصامنا الذى اعلنا عنه غدا فى مقر الشركة و الله ده كلام ناس من كوكب تانى ، ناس مرعوشة و بيحركهم و يكتب لهم تقارير رجل اهبل و مرعوش و ده كمان دليل على ان المفوض العام للشركة لا يفكر فى كيفية اخراج الشركة من كبوتها التى ادخلها فيها ، تلك الدوامة من الخسائر .
اقول و اكرر ان شركة مطاحن جنوب القاهرة مش حقل تجارب و مجامله من وزير او غفير او حتى رئيس لكى يمنح من قدم لهم خداماته اثناء عمله فى احدى الاجهزة الامنية مكافاة عند احالته الى المعاش برئاسة شركة مثل مطاحن جنوب القاهرة التى اعمل بها منذ اكثر من 22 عام لم تحقق فيها اى خسائر الا فى عهد هذا اللواء الميمون .
ان وجود قوات امن تحاصر الشركة ما هو الا ارهاب للعاملين بها و نقول لهم امشوا و تعالوا بكره الاعتصام بكرة مش النهاردة دول ضحكوا عليكم تعالوا بكرة و بكل تأكيد سوف تجدونا معتصمين ام داخل الشركة او خارجها و سوف نخلق مكان جديد لاعتصام العمال بشارع فيصل بدلا من مجلس الشعب و الشورى و مجلس الوزراء و وزارة الزراعة ، تعالوا علشان تشاركونا انا بوجه النداء الى قوات الامن اللى فاكرة وجودها هيرعب العمال .