من هو المسئول عن التصعيد ضدى ؟ من صاحب المصلحة فى استمرار مسلسل الاضهاد و التنكيل و التعسف ضدى بدون اى مبرر ، مفيش مخلوق يقول انه الدكتور الركايبى او المفوض و لا حتى الاجهزة الامنية ، لان الكلام ده كلام ناس عبيطة و كمان مفيش حد فيهم بيفهم و بيردد كلام و خلاص .
ما هو لزوم الخصم منى بأثر راجعى من تاريخ ايقافى عن العمل ، و المسئول عن القطاع القانونى هو هو لم يتغير و انها ارسلت خطاب الى القوى العاملة تبرر فيه الايقاف عن العمل و تقر فيه بأن ايقافى بمرتب كامل و عندما نفذت الادارة العامة للأستحقاقات عند صدور القرار بخصم نصف الراتب قامت القائمة بأعمال القطاع القانونى بارسال خطاب اليهم بأن ايقافى بمرتب كامل و تم صرف ما تم خصمه بناء على خطابها ، و كمان ارسالها للقوى العامله خطاب بنفس المعنى ادى الى عدم قيام مكتب العمل برفع دعوى ضد الشركة ، فلماذا التصعيد الان ، يمكن نصف مرتبى هو اللى هيحقق ....... بلاش كلام الان لانكم تعلمون مدى الفضيحة التى يمكن ان اشهر بكم بها الان و كمان منعرفش مخبيه ايه الحياة فى الايام القادمة .............. انا مش عاوز اوضح لانى عارف ان القرار صادر بتوجهات بتاع الامن الى القطاع القانونى و معاه المحروس اللى كان بيروح عنده المكتب الفترة الماضية ، لان لا بتاع القانونية ، و لا بتاع الامن يعرف يغرق القائمين على الادارة بالطريقة دى و مساعد المفوض الفنى مش متأكد أن كان له دور فى صدور القرار من عدمه وخصوصا انه يتمتع بعلاقة قويه مع بتاع الامن و كمان سأل عن سبب ايقافى بمرتب كامل ليه منذ أكثر من اسبوعين " يا خبر النهاردة بفلوس بكرة اكيد هايبقى ببلاش و اللى على راسه بطحة اوعه يلمسها احسن توجعه ".
السيدة تعلم تمام العلم ان شعيرة قد تنازل عن المحضر و كمان السيد / احمد سلام و كل الشركة عرفه ، و تعرف كمان لماذا تنازل عن المحضر لانه بعد ان تعرض الى المحنة التى هو بها الان عرف ان الله حق و عرف انه مش هينفع اى كلام لو استمرت تلك القضية ، التى كانت حجة للسيدة القائمة باعمال القطاع القانونى ، و كان هناك محامى من الشركة مع شعيرة يوم تنازله عن البلاغ مما يعنى ان سبب الايقاف قد زال " لان كانت حجتهم ان الموضوع فى النيابة " انا متفرقش معايا الايقاف بمرتب كامل او بنصف راتب و ربنا مبينساش عبدة ، و لانى فى النهاية سوف احصل على حقى ، و حتى لو عمرى انتهى قبل الحصول على التعويض المناسب منكم اولا على سوء استغلال السلطة ثم من الشركة ثانيا ، فأن اولادى لن يتنازل واحد منهم عن حقى الذى سوف ادافع عنه بكل قوة حتى لو كان من اصدر ذالك القرار حسنى مبارك ، فأنى ساعمل بكل ما اتانى الله من عزيمة و قوة فى سبيل الحصول على حقى و اولادى من بعدى حسب وصيتى لهم .
مادام فيه قرار حفظ من النيابة بالمحضر الحجة على ايقافى فلماذا تم توريط المسئولين فى التصعيد ضدى ، و اخيرا اقول لكم اتقوا الله و اكرر ما سبق ان قولته الى شعيره انا من الممكن اجعلكم حديث كل مصر و خصوصا انكم تعلمون انى اعلم الكثير و لكن صبرى سببه هو نهوض الشركة من كبوتها و انى مش عامل اى حساب لبتاع الامن و كمان بتاع القانونية العملية اكبر منكم بكثير ، اذا كنتم تضربون بالقانون عرض الحائط و تفسرون النصوص على هواكم فهذا لن يستمر طويلا ، خدو المرتب و كمان خدو هدومى يمكن تنفعكم و تستركم و تدارى عوراتكم التى اصبحت مكشوفه لكل الناس .
السيدة بتاع القانونية المفروض عليها تبحث عن حق الشركة و تنفذا قرارات مجلس الادارة ، روحى مطحن سباق و شوفى منفذ خروج النخاله و الدقيق فى المطحن راح فين هو ده الاهم سيبك من ناجى و مرتبه و شوفى الرسم الهندسى للمطحن و رجعى حق الشركة من مغتصبيه ده الاهم ، المنفذ تم بيعة الى الاهالى و تم قفل و بناء الباب و تحويل المدخل الى محل " على شارع حسن الانور بجوار القهوه و محل الالبان " دورى بتاع الامن كان فين و دورى مين اللى باعه ، عملية البيع مستمرة الان فى باقى مطاحن مصر القديمة ، الغفير فى تلك المنطقة قرايب و نسايب ، و أهله من المنطقة و مفيش حد فيهم معاه سلاح " بالمناسبة فيه افراد امن بالشركة معاهم سلاح ، فلماذا لا تسند اليهم اعمال فى هذه الاماكن لحمايتها من اللصوص و الحرامية ، ده لو كان الموضوع مفيش فيه كلام و ....... ".
شوفى حق الشركة اللى بيضيع و كمان بيتباع عينى عينك ابتداء من قول شعيرة ان الشركة بها حرامية باعوا 1200 طن قمح ، شوفى دول اتشالوا اذاى و شوفى مين كان رئيس قطاع الحركة و النقل فى تلك الفترة " و قد كتب هذا الكلام فى بيان تم توزيعه بالشركة و قد حصلنا على نسخة منه "و لم يتم التحقيق فيه .
و كمان شوفى موضوع كابينة العربية المرسيدس اللى كانت عملة حادثه و جاء التأمين و كتب أنه استلمها و تركها بالحركة و النقل و خرجت بعد موافقة مجلس الادارة على اصلاحها بورشه بالزقازيق ، و وضعها احتياطى و رصيد مخزنى و خرجت و تم بيعها و عندما رائها الفنيين فى وكاله البلح تم ارتجاعها و بعد فترة خرجت مرة اخرى فى عهد ...... وتم بيعها و لم تورد فلوسها الى الشركة و كمان بدون وجود اى موافقات على البيع شوفى مين اللى استولى على المال العام .
شوفى حق الشركة و انا متنازل عن حقى لانى سوف احصل عليه قريبا و لكن للأسف ان الشركة ككيان هى التى سوف احصل منها على حقى و انا نفسى ترجع عليكم الشركة فى دفع اى مبالغ تعويض نحصل عليها لانكم انتم السبب بتعسفكم و جهلكم بالقانون و كمان تفسير النصوص على هواكم .
ياريت نهتم بحق الشركة ، و نعمل على رجوعه ، عندنا كلام تانى و نعرفكم لو لم تتقدمون بالعمل للحصول على حق الشركة و التحقيق فى تلك المخالفات سوف نقوم بأرسالها الى كل من يعتنى بالامر و سوف تنشر بكل الجرايد و وسائل الاعلام.
ليست هناك تعليقات:
إرسال تعليق