مبنى ادارة الشركة بفيصلأظهرت القوائم المالية لشركة " مطاحن ومخابز جنوب القاهرة " عن التسعة أشهر الأولى من عام 2008/2009 تحقيق الشركة صافي ربح قبل الضرائب بلغ 13.957 مليون جنيه بتراجع 46.6% مقارنة بصافي ربح قبل الضرائب بلغ 26.113 مليون جنيه خلال نفس الفترة من عام 2007/2008 .
وكانت نتائج أعمال الشركة عن النصف الأول من عام 2008/2009 قد أظهرت تراجع أرباح الشركة بمعدل 20.5% حيث سجلت صافي ربح بلغ 14.351 مليون جنيه مقارنة بصافي ربح قدره 18.062 مليون جنيه خلال نفس الفترة من عام 2007/2008 .
طبعا الاسباب معروفة ، أرجع الى موضوعات المدونة و ستعرف تفاصيل الاسباب
-
لاحظ الارقام كويس صافى الربح قبل الضرائب لل9 شهور 13,957مليون ج بص على الرقم التالى صافى الربح لل6 شهور 14,351مليون ج يعنى فترة يوسف الحكيم بالورشة لم نحقق اى ارباح و انما كان النتيجة بالعجز و لسه ماسك رئيس قطاع هو و غيره ، لو بتاع لب كان حقق ارباح مش خسارة ، ياناس اتقوا الله و حسبوا الناس دى و كفانا سكوت على ضياع شركتنا .
-
ما هو موضوع الردة فى قطاع السيدة زينب صحيح الدى يردد عنها .
-
المهلة التى كانت ممنوحة لمطحن عز الدين انتهت مند فترة طويله ، متى سيعمل .
-
ما هو موضوع الندوة التى يروج لها منصور نوار .
-
لازم لو كان فيه ندوة تبقى مناظرة و ليس ندوة و يحضرها اعضاء اللجنة النقابية و كمان ممثل المساهمين و ممثل اتحاد المساهمين لو كان هناك اتحاد فعلى للعاملين يخاف على اموالهم و الاستاد / عادل عبدالظاهر و كمان ناجى رشاد و يحيى جابر و الدكتور كامل حسن و هند هنداوى و احمد صالح و امال ندى و منصور نوار و عادل جودة وكمان المحامى طه الصباغ دول امام بعض و كل من يريد أن ينضم اليهم ، و كل الادارة المعينين كل واحد يتكلم بالمستندات أمام جميع العمال و الموظفين عوزنها منظره بجد من اجل كشف الكادبين و المنافقين و اللى كل كلامهم كدب و عيشين علشان يكدبوا بس ، و أنا أتحدى شعيرة و منصور وملك خسائر الشركة يوسف الحكيم فى أى كلمة سوف ينطقون بها و هما يعلمون دلك جيدا .
-
ولسة الخسائر المتوقعة فى الفترة القادمة للدقيق 82% التى رسيت مناقصتة فى بنى سويف و المنيا على شركتنا بعد أنتقام رؤساء شركات المطاحن العامة من شعيرة و تدبيسه فى السعر بعد أنسحاب مطاحن القطاع الخاص عند سعر 1500ج للطن و استمرار الانتقام من ادارة شعيرة من اجل تكبيدها أكبر خسارة ممكنة و بلع شعيرة الطعم و سوف نوافيكم بحجم الخسائر المتوقعة فى تلك المناقصة غدا عند الانتهاء من أجراءات مناقصة شراء القمح التى سوف تجرى بالشركة صباح الغد الاثنين 18 مايو .
-
عوزين نسأل الدكتور الركايبى عن سبب عدم انعقاد الجمعية العمومية للشركة حتى تاريخة بعد انعقاد جمعية كل شركات المطاحن لعل المانع خير .
-
نتكلم عن ال 14 مليون دول جم منين ، بتأكيد كل عمال الشركة عارفين .
-
نتكلم عن الارباح الحقيقية خلال ال 9 شهور الماضية برضة العمال عارفين و اللى ميعرفش ينتظر الاجابة من منصور نوار و يوسف الحكيم و محمد شعيرة من ناحية و منى شخصيا من ناحية أخرى .
-
الناس التى تردد كلام ان الشركة بهدا الاسلوب راحة فى دهيه نقول لهم ان ادارة الشركة و المنافقين الدين يريدون تحقيق مكاسب سخصيه لهم و سكوتهم على ما يحدث بالشركة و الكلام الدى يقمون بتريده هو اللى هيودى الشركة فى ستين دهية و كدلك استمرار تلك الادارة و السكوت على اصحاب المصالح و الاستماع الى كلامهم ده اللى هيودى الشركة فى داهية ، لازم كلنا نتكلم و كل واحد شايف شىء غلط يبلغ عنه و يجب عدم الاستماع الى من يرددون كلام باطل لانهم هم رموز الفساد.
-
كلمة و قولتها و اجرى على الله
ليست هناك تعليقات:
إرسال تعليق