السبت، يناير 14، 2012

طيب ما هو حكم العسكر هيسقط فى 30 يوليو هيكون فيه رئيس بيحلف القسم......هنسقطه لمين دلوقتى مين البديل الشرعى المنتخب ؟؟
البديل الشرعى و الدستورى حسب نص الدستور رئيس مجلس الشعب و هو رئيس شرعى منتخب يعنى الكتاتنى او وحيد عبدالمجيد او الخضيرى او عصام العريان ، المهم فيه بديل شرعى و منتخب ، و المجلس يرجع يروح على قهوة المعاشات اصل ثلاث اربع المجلس رجع الخدمة بعد الثورة من المعاش و جيشنا يحمينا و يحمى حدودنا و خصوصا الحدود الشرقية ، يعنى المجلس يعلن جدول زمنى يوم 25 يناير بأنه هيسلم السلطة لرئيس مجلس الشعب عند انتخابه من اعضاء المجلس و ده هيكون فى فبراير القادم و رئيس المجلس يعلن عن مواعيد فتح باب الترشح و ميعاد اجراء الانتخابات و العملية يبقى فيها ضمانه لتسليم السلطة بجد مش كلام ملوعة من المجلس و ضغوط من اجل ضمان الخروج الامن و كمان عقد صفقة ما من اجل تمرير رئيس موالى للعسكر و يضمنون ولائه الكامل لهم و راجع كلام كارتر اليوم عن نيه العسكر فى تسليم السلطة " كارتر مش مرجعية " و لكنه اعلن ما توصل اليه فى اجتماعه معهم

مين كارتر انا مالى بيه ما يقول اللى هو عايزه يعنى خلاص امريكا بقت قلبها علينا من حكم العسكر ....النص الدستور اللى تم الاستفتاء عليه مكنش فيه البديل ده ....وبعدين ازاى نسلم البلد كلها لرئيس مجلس الشعب وسط صراعات البرلمان بين احزاب اسلاميه وليبراليه وصراعات مجهوله بسبب الدستور الجديد وتخوين وتشكيك فى بعض وبعد كل ده عايز رئيس مجلس الشعب يعمل انتخابات رئاسيه بعد شهرين ازاى وازاى تضمن ولاء الجيش لتامين الانتخابات الرئاسيه ما هو هيكون طلع بره اللعبه ومستنيك تموته فى محاكمات ......وبعدين مفيش توافق على تسليم السلطه فى 25 يتاير الجاى للمجلس من الاحزاب كمان ولا الشعب يعنى هتلاقى ناس كتير الاغلبيه معترضه ...مفيش غير مجموعه عايزه تفرض رائيها على الجنيع بطرق غير شرعيه زى اعتراضهم على سير الانتخابات.....عصفورا فى اليدبعد تلات اربع شهور" ولا عشره على الشجره "بعد اسبوعين"

هناك 4 تعليقات: