الجمعة، أغسطس 23، 2013

الى زملائى بشركة مطاحن جنوب القاهرة و الجيزة

سؤال بحاجة الى اجابة
""""""""""""""""""""
هناك كلام يردد على صفحان الفيس موجه الى المسؤليين بالدولة " كأن هؤلاء يستمعون او يقرؤن شئ " المقصود منه لفت الانظار الى كاتبه .
المهم هــــــــــــذا الكلام عن قيادات الشركة سواء اختلافنا مع طريقة ادارتهم للشركة و بخاصة حقوقنا المهدرة و منها :ـ
ـ الحافز اللى المفروض حسب قرار الشركة الفابضة 40 يوم للجميع
ـ و بدل طبيعة العمل اللى حسب القرار الوزارى لسنة 2007 تكون 40% للعمال الذين لهم علاقى مباشرة بالانتاج ، 30% للعمال اللى ملهمش علاقة مباشرة بالانتاج مثل الاداريين فى المواقع الانتاجية و 20% للاداريين ده على اساسى الراتب و ليس بداية مربوط الدرجة و تزيد سنويا بنفس نسبة الزيادة بالاساسى
ـ اعتبار ايام الغياب عن العمل بسبب عزر قاهرى حال بين العامل و اداء عماله مثلما يحدث الان لزملائنا من المحافظات الذى يحول حظر التجول و الامر الحكومى بعدم عمل القطارات و هى الوسيلة الاساسية و التى بها توفير مادى لهم ، و هذا عذر قهرى يستوجب اعتبار تلك الايام ايام عمل فعلية
ـ و الخصم من الحافز بسبب الايام المرضى و دى مخالفة للقانون الذى حدد دورة الاجازة المرضى 3 سنوات و قسم تلك الفترة منها ما 90 يوم بأجر كامل 80 يوم و 180 يوم اخرى و هكذا و لكن اى خصم خلاف ذلك فهو مخالف للقانون
ـ كمان درجة كبير معظم زملائنا اتخللوا فى الدرجة الاولى ، واجب على الشركة تكريمهم و منحهم تلك الدرجة و هم على استعداد على الاستمرار فى عمالهم
ـ المطاحن اللى بتقع مش عارف ليه سايبنها بتقع و لا يفتنى فى هذا المقام الا ان اتوجة بالشكر الى المهندس ماهر مدير عام منظقة اوسيم اللى بيعمل من الفسيخ شربات و مطحن عمرة اكثر من 40 عام ينتج بمعدلات معقولة و ينتج دقيق الكل يتهافت عليه و المهندس توفيق بمنطقة السيدة زينب فلهم منا كل الشكر
ـ معظم شركات المطاحن الشقيقة تقوم بصرف حصة نخالة شهريا للعاملين بها ، و الاستاذ محمد كامل ادرى الناس بذلك و معه المهندس نجيب و كانوا يقومون بصرفها الى العاملين بالشركات التى خدموا بها و لما حضروا الينا مش عارف حصل ايه ؟
نرجع لموضوعنا سواء اختلافنا او اتفقنا معهم
هم فى الاول و الاخــــــــــر زملاء لنا
الكلام بيقول انه تم اخـــــــــــــونة المراكز القيادية بالشــــركة
بالله عليكم ده اسمه كلام ، هى هوجه و كل واحد مختلف مع الاخـر يجرى و يقول اخــــــــــــــــوانه و كلام من ده
اذا كان لك حق لابد ان تحارب من اجل ان تقتنص هـــــــذا الحق بأى طريقة الا انك تركب الموجه و تشوف ايه اللى ماشى فى البلد وتسلط عليه الضــــــوء ، ده اسمه حاجة كدة لمؤاخذة مقدرش اكتبها !!!!!!!
تعالوا نشبك مع اى معركة لصالح عمالنا بطريقة شريفه بعيده عن اى اتهامات سياسية لانها لو جابت نتيجة ساعتها ممكن نكره انفسنا لاستعمالنا هـــذا الاســلوب الرخيص
" ارجو من زملائنا اللى هيشوف البوست ان يعملوا على نشرة بين الزملاء و بخاصة العمال لتعم الفائدة و يكونوا على حذر مما يدعونا الى تلفيق الاتهامات للغير لانى انا اكثر انسان عنيت من تلك الاتهامات الباطلة "
اللى يقدر يطبعها و يوزعها لكى تصل الى امن الدولة و الامن القومى ياريت ميبخلش او يخاف لكى نحصل على حقوقنا المتعمد اهدارها من الجميع ،
اقرار
اقر انا / ناجى رشاد عبدالسلام بالمسئؤلية الكاملة عن طبع و توزيع هذا البيان و هو بيان تثقيفى للعمال لكى يعلم الجميع من السبب فى اهدار حقوقه ؟؟؟

هناك 8 تعليقات:

  1. ياريت ياخ ناجى تتحرك لنصرة الحق واحتساب ايام الغياب خلال فترة توقف حلركة القطارات ايام عمل فعلية ففعلا هذا عذر قهرى

    ردحذف
  2. ارجو من الذين يتحدث عن اخونة المراكز القيادية في الشركة ان يقوم بثورة مثل ثورة 30/6 حتي يتم تطهير الشركة من الاخوان حتي لايصبح في الشركة غير المفسدين

    ردحذف
  3. متهيائلى واحد غيرك ما يتكلم عن الفساد اللى موجود فى الشركة على سبيل المثال وليس الحصر عينت ابن اختك وعمال تنقل فى وكان عامل 10 ايام غياب خلتهم 6 ايام وعملتهملو مرضى الى فى نفس الوقت كانت فى عمال بتغيب قهرى ومعرفتش تعملهم مرضى علشان مبتعرفش تخش عند الريس ولا تعرف احمد سلام ولا بتلبس بدل وبتركب عربيات

    ردحذف
  4. أبوالسعود السحلىالجمعة, 23 أغسطس, 2013

    أستاذ ناجى/ بعد التحية ... نحن فى مطاحن شمال القاهرة لا نصرف أى حصص ردة للعاملين ، فإذا كان هناك من يقوم بالصرف فيصبح هذا حق لنا أسوة بالآخرين

    ردحذف
  5. كان من المفروض ان تعرف نفسك من الذي يتحدث كما عرفت انا نفس كي ارد عليك علي العموم اذاكان عندك غباب ومبتعرفش تخش عند الريس تعالي وانا اعملهملك اما اذا كنت مبتعرفش تلبس بدل فتعالي وانا اعلمك اما بالنسبة للعربية فلا تتمنوا ما فضل الله بعضكم علب بعض

    ردحذف
  6. متخليش كرهك للاخوان وفشلك سياسيا يخليك تفتري علي الناس بكلام انت نفسك عارف انه افلام واوهام وتأكد ان ربك علام الغيوب وما تكن الصدور وهيحاسبك علي اللي انت بتقوله ومش هينفعك اي حاجه تانيه وياريت تفتكر دايما ان ربك موجود ويمهل ولا يهمل ،،،،، ارجو من الزملاء تعريف انفسهم و عدم الطعن فى بعضنا البعض ، زميل عزيز بيعلق على الزميل اشرف محفوظ و بيقول انه مبيعرفش يدخل عند المفوض الكلام ده زعلنى جدا لانك شفت انا عملت ايه فى قوات الامن و امن الدولة لمدة 18 يوم اعتصام امام باب الشركة و كان مخيل لى ان تلك المدة انتزعت الخوف من قلوب جميع الزملاء و لكن اتضح بعد ما كتبته حضرتك انى كنت واهم ، بلاش الاعتصام كان فى مصر ثورة فى 25 يناير انتزعت الخوف من قلوب المصريين و جعلت الجميع يطلب بحقه دون رعب او جبن و حضرتك بتقول انك مش عارف تدخل على القائمين على ادارة الشركة و مش عارف تقتنص حقك من طبيب الشركة فى اجازة مرضى مع انها تخصم من الحافز ، شئ يحير بجد ....... ام موضوع الحظر و غياب الزملاء بعد توقف حركة القطارات فهناك قرار وزارى سيصدر بأعتبار تلك الفترة ايام عمال فعليه بسبب الظروف القاهرية التى حالت بين العامل و اداء عمله ، بعد مخاطبتى لرئيس مجلس الوزراء

    ردحذف
  7. كل عمال المطان معاك

    ردحذف