معلوماتي تقول ان سبب اعتصامكم اعلان وزير التضامن الاجتماعي د/ على مصيلحى تمسكه و اصراره على تقليص ( تقليل ) حصة الشركة من القمح و استبدال الكمية بدقيق مطحون من مطاحن مصر الوسطى بكمية دقيق 413طن يوميا لمدة 90يوم ، و قال معظمكم لوسائل الاعلام المقرؤه و المرئيه ان القرار سوف يتسبب فى ايقاف 7 مطاحن عن العمل و ان الشركة سوف تتكبد خسائر فادحة ( يعنى معظم كلامكم كان يقدم مصلحة الشركة و الاضرار الناجمة عن قرار الوزير و تأثيره على وضع الشركة و الحرص على المال العام قبل مصالحكم الشخصية ) وكمان تقليص نسبة الحافز الى اقل من 15% ، وقد رفضتم انهاء الاعتصام الا بعد صدور قرار مكتوب بالغاء القرار وتم تحقيق مطالبكم وصدر قرار من مجلس الوزراء المصغر المكون من الدكتور نظيف و المهندس رشيد و الدكتور مصيلحى و الدكتور محمود محى الدين و الوزيرة عائشة عبدالهادي والقرار كان يشتمل بالاضافة الى الغاء قرار الوزير وجود خطة لاعادة هيكلة و اصلاح مطاحن قطاع الاعمال تتكلف 2،1مليار جنيه تتم على 3 سنوات فيه حد فى المجلس و خصوصا شعيرة سأل عن اعادة الهيكلة و الاصلاح من اجل المنافسة ، الاجابة طبعا لا ، لانهم مش فاضين لبكرة كل همهم الانتهاء مما يحدث لهم المحافظة على كراسيهم اليوم لان بكره و الاصلاح و اعادة الهيكلة لن يستفيدوا منها لانهم لو اليوم موجودين بكره بتاع مجلس غيرهم و هما مش فاضين يشتغلوا و غيرهم يجنى ثمار عملهم ده فكرهم ، لابد من محاكمتهم عليه لانه فكر اناني و عقيم ، حتى الموازنة الاستثمارية لم يقوموا بتفعيلها و الملايين المحدده لها لم يستغل منها الا حوالى 43الف جنية و ده من أسباب عزل شعيره .
السيد حسين مجاور رئيس اتحاد عمال مصر قال انه لن يتخلى عن العمال لحين حصولهم على حقوقهم المشروعة و ان الاتحاد لن يترك اعضاءه سواء كانوا حاصلين على موافقه بالاعتصام ام لا ، على عكس كلام النقابة العامة ، ونحن اليوم فى امس حاجة الى هدا الدعم ولابد لنا من طرق كل الابواب لاننا ريحين فى مصيبة .
اريد أن أسال عمال مطاحن جنوب القاهرة عن سبب اعتصامهم ، هل كانوا فعلا خائفين و عندهم احساس بالخطر على مستقبلهم و مستقبل شركتهم ؟ لو كان الجواب بنعم ، فاين هم الان من الخطر الاكبر و الخسائر التي قد تفوق خسائر قرار الوزير بأكثر من 3 أضعاف بسبب قرار المشاركة الفردي من شعيرة و يحاول اليوم ان يرمى بالتهمة على ا/محمد كامل بعد ان احس بالخطر ، على رجل انا اعتبره من انظف الرجال بالشركة و لكن للامانة ياتي فى الترتيب الثاني بعد ا/ احمد عبدالقادر ، رجل باخلاق محمد كامل و نزاهته و نظافة يده انه ليس صاحب قرار المشاركة بالمناقصة ولكنه يقوم بعمل ما يسند اليه من تعليمات رئيس المجلس ، فشعيره هو المسئول الاول و الوحيد عن تلك المناقصة و لا احد غيره ، ولسه فيه واحد صاحب مصلحه كتب تقرير الى الجهات الامنية على غير الحقيقة لانه متعود يكتب تقارير الى اسياده غير صحيحه و طبعا كلها تعتمد على ما يراه فى مصلحته هو الشخصية ومش اللي فى مصلحة الشركة و لا العاملين بالشركة انه يبحث عن من يمنحه مكافاة بالعبيط بدون ان يقابل تلك المكافاة عمل فعلى ، قال فى تقريره ان العمال بالشركة سوف تقوم بمسيره من الشركة الى مقر الشركة القابضة فى حاله عزل شعيرة و الله كلام عبيط و اللي يصدق الكلام ده عبيط زيه انا مستعد ان اكتب اسماء 6 افراد هما اللي ليهم مصلحه من وجود شعيره يمكن السته دول هما كل العاملين بالشركة و لهم تأثير على العمال و انا مش واخد بالى او عايش فى غيبوبة و جايز هما من يقومون بالمسيرة ، الله يخرب بيت ابو العبط ، ده كلام فارغ بتاع الامن لم يكدب خبر التقرير و قام بعته الى الشركة القابضة من اجل تخويف المسئولين من عزل شعيره مش عارف اصدق الفيلم الهندي ده ام لا ، كلام لا اقدر الا ان اصفه بالتخلف و العبط لان الناس كلها فى حاله سخط على شعيره و اصلهم مشافوش الفرحه الغامره على وجوه الناس عندما تم تحويله الى التحقيق ، وانا متأكد ان لو فيه فرضا عدد 10 قاموا بالمسيرة دى انا سوف اقود مسيره تتكون من 1000 عامل على الاقل ردا على حماية الفساد و خراب الشركة ، يا ايها المسئولين كفاكم حمايه للفساد ، الله ...........
نرجع لموضوعنا 413 طن دقيق يقابلهم خصم كمية 505 طن قمح وسعر طحن الطن ايامها كان 49ج يعنى
505طن قمح فى 49ج سعر طحن الطن فى 90يوم مدة المناقصة =2227050مليون ج
يكون اجمالي خسائر الشركة لو لم يلغى قرار الوزير اثنان مليون و مائتين و سبعه و عشرون الف و خمسون جنيها مصريا لاغير.
ام الخسائر المتوقعة خلال ال 90 يوم القادمة ابتداء من 1/6/2009
انا مش هاحسب تكلفه الانتاج او خلافه مش هاتكلم عن تكاليف الطن الثابتة او المتغيرة و لا درجة النظافة او التصافى ، انا ناوى احسبها بطريقة اخرى بطريقه فلاحي لا علاقه لها بقيد محاسبي او نظام موحد و لن اتكلم غير على سعر القمح و النقل و ايجار الشونه ببنى سويف فقط و الناتج الساده المحاسبين يضيفوا عليه تكاليف الانتاج ( اجره الطحن التي اصبحت الان 75ج للطن )
مطلوب شراء 35الف طن قمح سعر المناقصة التي تمت بالشركة الاربعاء الماضي 1475 ج للطن التسليم بالميناء يعنى كمان 30 نولون النقل للمطحن يصبح السعر 1505ج للطن = 52675000 ج اثنان و خمسون مليون و ستمائه خمسه و سبعون جنيه لاغير
ال 35 الف طن قمح تنتج 28610طن دقيق استخراج 82%
سعر المناقصة 1425ج لطن الدقيق يخصم منه 30ج نولون نقل الى بنى سويف و كمان 10ج ايجار الشونه فى بنى سويف لكل طن دقيق يصبح السعر 1385ج
اجمالي سعر الدقيق 1385 ج فى 28610 طن =39624850 مليون ج
" " النخالة سعر الطن بالفرق 1000ج فى 6390طن = 6390000مليون ج
اجمالى الدقيق و النخالة = 46014850
تمن القمح = 52675000
احسب انت الفرق و قدر قيمه الخسائر ممكن واحد يقول فين فرق التصافى ارد عليه ، فيه واحد منكم حس بالفرق ده قبل كده و ده يخليني اسال بجد فين فرق التصافى على مدى السنوات السابقة وكمان فين فرق تصافى الاقماح الزيادة اللي تظهر فى الشون بجد بتروح فين و خصوصا انها بتدخل المطحن بدون ورق ، فيه واحد تاني هيقول فين فرق وزن جوال الدقيق وزن الجوال المفروض 50ك ولكنه بيخرج من المطحن 48 او 49 ك ارد عليه دى سرقه و كمان مخالفة تموينيه ولازم منعملش اى مخالفه تموينية فى الفترة الجايه اصل الشركة مش عمله مخصص للقضايا التموينية .
انا فى انتظار ردكم على تليفونى 0123554909 و تاكدوا ان الكلام عن ان تليفونى مراقب دى حيله من امن الشركة و كلام غير صحيح و ملوش لزمة .
لازم نطرق كل الابواب من اجل تحويل تلك المناقصة الى اجرة طحن لابد ان نخاطب وزير الاستثمار و وزيرة القوى العامله و تعاطف السيد حسين مجاور معنا وعلى الجهات الامنية ان تثبت حسن نيتها فى الموضوع و مطلوب تدخلها لصالح المحافظة على المال العام و الحفاظ على صرح صناعي من الانهيار و الحفاظ على 3000 عامل بالشركة و اسرهم من التشرد و المحافظة على اموال المساهمين كل المساهمين .
بعد كتابة الموضوع وصل الينا ان مجلس ادارة الشركة فى اجتماعه امس الخميس 4-6 جاء اليه ان سعر طن القمح وصل الى 1510 ج
يا عمال مطاحن جنوب القاهرة و الجيزة تعالوا نطرق كل الابواب حتى لو ادى الامر الى ان نطرق باب السيد رئيس الجمهورية .
و فقكم الله لما يحب و يرضى .
