فاكرينا الضغوط الرهيبة اللى مارسها مجلس القمح الامريكى لما مصر قررت عمل صفقات مع روسيا و أوكرانيا و كازاخستان وكان المبرر المصرى هو تنوع المصادر وبعد الغاء مصر شحنة من شركة تكفور الامريكية ( 62الف طن ) لانها غير صالحة للاستخدام الانسانى ، اصل الامريكان خفضوا المعونة وكمان نسبة العمولة ، ويومها حذر الخبراء المصريين من خطورت عقد صفقات مع أوكرانيا لأن قمحها مصاب بمعدلات أشعاع عالية تصيب من يستخدمة بأمراض خطيرة وكذلك أصابتة بمرض السخام الهندى ، والله اسمه كده السخام يعنى هى نقصة مش كفايه علينا الف سخام بدء من السخام الكبير مرورا بالحكومة ولجنة السياسات والسخام اللى أسمه الحزب الوطنى.....الخ من السخام ، وكما كان التحذير من عدم صلاحيةتصنيعة عيش ولكن مفيش حد أهتم بأى تحذيرات لان الكل هبش و خطف وحصل على عمولتة من عقد الصفقة واللى يهمة الانتظار لعقد صفقات جديدة من أجل الهبش و الخطف من جديد لانه عارف أن مفيش حد هيسأل القمح كويس او فيه عفريت اللى هياكل من العيش ابو شلن ذنبه على جنبه ويستهل اللى يحصله أصله فقير و مفيش حد معبره يمرض يموت يروح فى داهية مش مشكلة المهم اتمام صفقات جديدة وتهريب العمولات وهما بكدة بيعملوا على تطبيق برنامج الرئيس فى الحد من الزيادة السكانية والشعب عدده يقل ولسة كمان بيخصخصوا التأمين الصحى علشان اللى يمرض بعد أكله للعيش ابو شلن يستاهل اللى بيجرى فيه لو ما متش بعد الاكل هيموت من قلة العلاج و عدم وجود فلوس معه لكى يحاول علاج نفسة اصل العلاج مش هيقدر يوفر تمنه وهما كمان بكده عاوزين يطبقوا البرنامج الانتخابى للرئيس على اكمل وجه ، وزراة التضامن توزع العيش فيه امراض مميته ووزارة الصحه تقضى على من لسه فيه نفس والمالية بتاخد فلوس من اللى اشترى العيش و كمان اللى عاوز يتعالج ، دى منظومة فساد كبيرة الكل عاوز يهبش ويهبش تانى ؛ انا عايش فى قرية اللى فيها فلاحين بيستلموا الدقيق من مستودعات الدقيق التموينية بسعر سياحى اكبر من سعر المخابز 5مرات للجوال الواحد وشوفت الجيران و هما شايلين العاجين من أجل رامية فى طرنشات الصرف الغير صحى اصل العجين كان سايح ( ملوش عرق ) غير متماسك لا يمكن خبزه وضاع عليهم تمن الدقيق ومفيش حد سأل فيهم ، الحمد لله أنها جت فى الفلوس بدل ما كانوا خبزوه و كلوة و ماتوا أو اصابهم أمراض لا يقدرون على علاجها اذا تم خصحصة العلاج ، ونائب الشعب فريد اسماعيل فاكر ان البلد ليها كبير تقدم باستجواب منذ اكثر من اسبوعين يسال فية الحكومة عن الاضرار االصحية اللى وقعت على المواطن الفقير فى صحتة من استخدامة لدقيق غير صالح النائب خايف يقول قمح مسرطن وكمان كان فى تللك الصفقات اهدار كبير للمال العام وحتى الان لم يرد اى وزير علية مش انا قلت انهم مش همهم حد فى البلد دى كل واحد بياخد عمولتة و نصيبه مقابل الفساد اللى قام بيه ، ولسة ازمة القمح البلغارى و الروسى اللى تم التعاقد على مليون ونصف طن وصل منها 750الف طن ، تعتبر مصر من أكبر الدول المستوردة للقمح فى العالم و خاصة من اوكرانيا حيث تم شراء خلال اسبوع واحد ما يزيد على 53الف طن ، وفى نفس الوقت رفضت تونس75الف طن قمح اوكرانيا هما المسئوليين فى تونس بيهتموا بالمواطن ام نسبة العمولة كانت قليلة .
اعتقد العمولة كانت قليلة
ردحذف