الاثنين، يوليو 21، 2008

كل يوم قانون للمرور .. من المســتفيد ؟؟؟

فاكرين صفقة العدادات الالكترونية للسيارات التاكسى اللى بسببها تم تغير قانون المرور واللى عنده أى عربية من أى موديل حتى لو من أيام محمد على باشا مسموح له بتحويلها الى تاكسى بعداد ( الكل عارف مين صاحب هذه الصفقه ) هذه السيارات اللى تم تحويلها من ملاكى الى تاكسى يتم برضه بسببها تغير قانون المرور ( عارفين كان سعر العداد أيامها كام ) الان يردون أخذ هذه التكسيات ويتم تعويض صاحبها بمبلغ 10الف جنية تتصوروا مثلا سيارة بيجو موديل 79لا يقل ثمنها فى السوق عن 70الف تأخذها الحكومة بعشره ومن المعروف عن هذه السياره أن أسمها فى الشــارع المصرى ( الاسد ) وهى أفضل الف مرة من السيارات الحديثة بلاش البيجو أحسن حد يفتكر أنى أملوك واحدة منها ونبص على سيارة فيات 1300تلاقى صاحبها مغير الماتور والعفشة و الفتس ومعدله ( المصريين معروف عنهم أنهم ملوك التعديل وخصوصا التعديل المفيد لصاحب السياره ) لفيات 132وهى افضل انواع الفيات يعنى العربية زى العروسة فى ليلة الدخله الحكومة تخدها ببلاش ده شىء يجنن ولما السواقيين و اصحاب العربيات يحتجوا على خراب بيتهم يقوم الامن ضربهم بالرصاص الحى مش المطاطى ويقوم منشن على العيون ( اصلهم عوزيين يخلونا منشوفش حاجة عمى يعنى ) ويتم القبض على شوية ناس و يلفق لهم تهم جاهزه بحجة الحفاظ على السلم الاجتماعى مش عارف ايه علاقة السلم والموضوع ده احنا سلمنا فية درجة مكسوره حاسب تنشنكل فيها ، طبعا احنا عارفين العربيات دى بعد كده مصرها هيكون افران حديد عز .
وكمان عارفيين صفقة حزام الامان اللى مفيش حد بيسأل عليه دلوقتى علشلن تم بيع الصفقة بالكامل .
والحاجة أو الصفقة الجديدة الان هى المثلث العاكس اللى ارتفع سعره من 10جنية الى 150جنية مش مصدق اخطف رجلك لسوق التوفيقية.
وكمان حقيبة الاسعاف اللى تصل عقوبة المخالف الى 150جنية كحد أدنى وتصل الى 300جنية
يا ترى من صاحب صفقة المثلث العاكس و حقيبة الاسعاف اللى القانون يتغير علشان سواد عيون أبوه ؟؟؟.

ليست هناك تعليقات:

إرسال تعليق