السبت، أكتوبر 24، 2009

جاتكـــــو فضيحة يا طبقة ســـطيحة و عاملة فصيحة و جايبة العــــــــار

أبجد هوز .. حطي كلمن
إقلب صفحة .. امسك قلم ٌ
اكتب زي الناس ما بتنطق
سقطت سايجون رفعوا العلم ٌ
..........
طلعت شمس اليوم ده أغاني
كل ما نسمع نعشق تاني
طلعت شمس اليوم ده حريقة
تكوي الجرح و تبري الالم ٌ
.....
سايجون عادت للثوار
فوق الدم و تحت النار
جدّوا فوجدوا .. زرعوا فحصدوا
و إحنا إيدينا للسمسار
و إللي قالوه السمسارجية
و اللي حكاه السمساردار
لما قروه القرونجية
بالمستعجل و المندار

هتش ونتش بعزم الصوت
عن أمريكا و غول أمريكا
زعموا الفانتوم شايل موت
سقط الموت بعلم أمريكا
جاتكو فضيحة يا طبقة سطيحة
و عاملة فصيحة و جايبة العار
كلمانجية و فصحانجية و سمسارجية
و سمسار دار
زايد ضرة يا ثوار عالم حره للأحرار
داحنا هنشبع بكره اغانى اسمع و احفظ يا كتبانى
و اثبت عندك فى الاوراق مصر بتنضح بالاشواق
مصر عروسة و بكره عريس و العشاق احنا العشاق
جبنا و بينا و لينا الثورة احنا الثورة و هى الناس
لينا الماضى و بينا الحاضر و المستقبل هما الناس كل الناس

أحمد فؤاد نجم

ليست هناك تعليقات:

إرسال تعليق